VanHorn takim me Ibrahimaj: Ekspertizë amerikane mbi partneritetet publike-private

E Ngarkuara me Punë e SHBA-së, Nancy VanHorn, prit në një takim Ministren e Ekonomisë dhe Inovacionit, Delina Ibrahimaj.

Ambasada shkruan se takimi shërben për të çuar përpara vizionin e Presidentit Trump për partneritete të drejta ekonomike që lejojnë zhvillimin e inovacionit.

Ambasada e SHBA-së bëri me dije se gjatë takimit, znj. VanHorn prezantoi një plan për të ofruar ekspertizë amerikane lidhur me partneritetet publike-private dhe inkurajoi miratimin e një mekanizmi të fuqishëm për shqyrtimin e investimeve në Shqipëri.

Sipas postimit të Ambasadës, këto iniciativa synojnë të promovojnë inovacionin, transparencën dhe përgjegjshmërinë, duke krijuar një mjedis ku bizneset mund të lulëzojnë.

Postimi i plotë

“E Ngarkuara me Punë Nancy VanHorn u takua me Ministren e Ekonomisë dhe Inovacionit, Delina Ibrahimaj, për të çuar përpara vizionin e Presidentit Trump për partneritete të drejta ekonomike që lejojnë zhvillimin e inovacionit. Gjatë takimit të saj, znj. VanHorn ndau planet e ambasadës për të ofruar ekspertizë amerikane mbi partneritetet publike-private dhe inkurajoi miratimin e një mekanizmi të fuqishëm për shqyrtimin e investimeve në Shqipëri. Këto iniciativa promovojnë inovacionin, transparencën dhe përgjegjshmërinë në mënyrë që bizneset të lulëzojnë”, shkruhet në postimin e ambasadës.