Sulmi rus në Ukrainën perëndimore, 22 persona rezultojnë të zhdukur

Presidenti ukrainas Volodymyr Zelensky tha sot se 22 persona rezultojnë të zhdukur në vendin e sulmit rus në qytetin perëndimor të Ternopilit.

Sulmi ndodhi të mërkurën. “Deri më tani, është konfirmuar se 26 persona kanë vdekur, përfshirë tre fëmijë”, shkroi Zelensky në X. Ai shtoi se operacioni i kërkim-shpëtimit gjatë natës vazhdoi këtë mëngjes.

Mediat ukrainase raportuan se shpërthime u dëgjuan në orët e para të 19 nëntorit në rajonet e Ternopilit, Kmelnitskijt, Ivano-Frankivskit, Rivnes, Lvivit dhe Dnipropetrovskut, teksa sulmet shënjestruan lindjen dhe perëndimin e Ukrainës.

Shërbimet e Emergjencës së Ukrainës njoftuan se dy ndërtesa të larta banimi u goditën në qytetin e Ternopilit, duke lënë të paktën 25 të vdekur, tre prej të cilëve fëmijë. Më shumë se 92 persona u plagosën nga sulmi, përfshirë 18 fëmijë.

Një zyrtar ushtarak tha se njëra nga ndërtesat mund të jetë goditur nga një raketë lundruese e lëshuar nga ajri.

LEXONI GJITHASHTU:

• Të paktën 25 të vrarë nga sulmet ruse në Ternopil të Ukrainës
• Rusët bien dakord të shesin aksionet të tyre në Industrinë e Naftës së Serbisë