Zbardhet dëshmia e babait të Naim Murselit: Nuk e di çfarë ka ndodhur

Në Gjykatën Themelore në Prishtinë këtë të hënë po zhvillohet seanca e radhës ndërsa është lexuar deklarata e Shaban Murselit, babait të Naimit i cili akuzohet si person i përfshirë në vrasjen e bashkëshortes së tij, Liridona Ademaj.

Deklarata e Shaban Murselit mësohet se është dhënë më 6 dhjetor të vitit 2023 por në seancën e së hënës u vendos që të lexohej për shkak të mundës së tij për të dëshmuar.

Gjatë deklaratës gjyqtarja Fatime Dormaku ka pyetur babain e Naim Murselit nëse ka ndonjë dyshim se çfarë kishte ndodhur. Në përgjigjen e tij ai ishte shprehur se nuk e di dhe se nuk asnjë dyshim se çfarë ka ndodhur.

“As nuk e di, as nuk e kam ndonjë dyshim se çka ka mundur të ndodhë në këtë rast”, kishte thënë ai.

Ai ishte pyetur se a ka pasur djali i tij armë por ai e kishte mohuar një gjë të tillë. Shqyrtimi gjyqësor do të vazhdojë me administrimin e provave.

LEXONI GJITHASHTU:

• Kur do të largohen rrebeshet? Ja si do të mbyllet muaji nëntor
• Greqia shpall “Non Grata”, gazetarin Artan Hoxha