Ish-presidenti i Perusë dënohet me 14 vjet burg për korrupsion

Një gjykatë në Peru ka dënuar ish-presidentin Martin Vizcarra me 14 vjet burg, pasi e gjeti atë fajtor për marrje ryshfeti vite para se të merrte detyrën.

Sipas vendimit, Viskara pranoi 676,000 dollarë ryshfete nga firmat e ndërtimit në këmbim të kontratave të punëve publike, ndërsa ishte guvernator i rajonit jugor Moquegua nga viti 2011 deri në vitin 2014, raporton Reuters.

Gjatë gjyqit, i cili filloi tetorin e kaluar, Viskara i mohoi akuzat, duke pretenduar se ishte viktimë e persekutimit politik.

Ai erdhi në pushtet në vitin 2018 pasi paraardhësi i tij dha dorëheqjen dhe dy vjet më vonë u shkarkua nga Kongresi për shkak të hetimeve për korrupsion.

Vëllai i tij më i madh, Mario Vizcarra, planifikon të kandidojë në zgjedhjet presidenciale të prillit 2026 për Partinë e Parë të Perusë, në të cilën ish-presidenti ishte një këshilltar kyç.

Peruja ka parë gjashtë presidentë të ndërruar që nga viti 2018 për shkak të shkarkimeve dhe dorëheqjeve, shpesh të nxitura nga skandalet e korrupsionit.

Tre ish-presidentë të tjerë janë në burg.