Osmani përkujton Rugovën në 81 vjetorin e lindjes: Udhërrëfyes drejt lirisë

Presidentja e Kosovës, Vjosa Osmani, ka kujtuar Ibrahim Rugovën në përvjetorin e 81 të ditëlindjes së tij.

Nëpërmjet një postimi në Facebook, Osmani ka thënë se Rugova ishte zëri i arsyes dhe vendosmërisë në kohët e errëta, si dhe udhërrëfyes drejt lirisë dhe pavarësisë.

Ndër të tjera, Osmani tha se presidenti historik mbetet frymëzim i përhershëm, simbol i qëndresës dhe i ëndrrës së madhe për një Kosovë të lirë, të pavarur dhe demokratike.

“I lindur 81 vjet më parë, arkitekti i pavarësisë, Presidenti historik dr. Ibrahim Rugova ishte zëri i arsyes dhe vendosmërisë në kohë të errëta, si dhe udhërrëfyes drejt lirisë dhe pavarësisë.

Me urtësinë, kulturën politike dhe vizionin largpamës, Presidenti Rugova e ngriti çështjen e Kosovës në majat e diplomacisë botërore.

Ai mbetet frymëzim i përhershëm, simbol i qëndresës dhe i ëndrrës së madhe për një Kosovë të lirë, të pavarur dhe demokratike.

Trashëgimia e Presidentit është testament për paqen, për shtetin sovran dhe të integruar në familjen euro-atlantike. Lavdi jetës, veprës dhe idealit të Presidentit historik”,- ka shkruar Osmani.

LEXONI GJITHASHTU:

• Fotoalbum/ Begaj, Rama dhe Osmani në mbrëmjen festive të 28 Nëntorit
• “Shqipëria dhe Kosova, dy shtete që synojnë integrimin! Osmani mesazh nga Shkodra