Marina: Suedia në kërcënim nga nëndetëset ruse, çdo javë të pranishme në Baltik

Marina suedeze ndeshet me nëndetëse ruse në Detin Baltik “pothuajse çdo javë”, ka thënë shefi i operacioneve të saj, dhe po shkonë në një rritje të mëtejshme të pranishmërisë së saj.

Kapiten Marko Petkovic tha se Moska po “forcon vazhdimisht” praninë e saj në rajon dhe se vëzhgimet e anijeve të saj janë kthyer në pjesë të zakonshme të punës së marinës suedeze. Është “shumë e zakonshme”, u shpreh ai, duke shtuar se numri i rasteve të tilla është rritur vitet e fundit.

Kapiten Marko Petkovic tha se Rusia po modernizon anijet e saj dhe do të rrisë kapacitetet në Baltik.

Rajoni i Detit Baltik po përballet me një gamë gjithnjë e më të madhe kërcënimesh, duke përfshirë sulme të dyshuara hibride nga dronë, sabotime të supozuara ndaj infrastrukturës nënujore dhe një qarkullim të vazhdueshëm të cisternave të vjetra të naftës, të ashtuquajtura anije të “flotës hije” që transportojnë naftë bruto nga Rusia.

Muajin e kaluar, ministri britanik i mbrojtjes tha se një anije spiune ruse kishte hyrë në ujërat britanike dhe kishte ndezur lazerë drejt pilotëve ushtarakë, duke paralajmëruar se Mbretëria e Bashkuar përballet me një “epokë të re kërcënimesh” nga shtetet armiqësore.

Suedia së fundmi ka organizuar një stërvitje të madhe të NATO-s kundër nëndetëseve, “Playbook Merlin 25”, me pjesëmarrjen e nëntë vendeve, përfshirë Suedinë, Gjermaninë, Francën dhe SHBA-në, ku qindra personel praktikuan taktikat e gjuetisë së nëndetëseve në kushtet unike të Baltikut për t’u përgatitur për një sulm të mundshëm nënujore.

Petkovic tha se Rusia po rrit kapacitetet e saj dhe se po prodhon një nëndetëse të klasës Kilo çdo vit në Shën Petersburg dhe në enklavën e Kaliningradit, e cila ndodhet mes Polonisë dhe Lituanisë. Ai tha se Rusia po kalon nëpër një “program modernizimi të qëllimshëm dhe të vazhdueshëm” për anijet e saj.

“Pasi të vendoset përfundimisht një armëpushim apo marrëveshje ndalimi luftimesh në Ukrainë, mund të vlerësojmë, dhe ne e vlerësojmë, se Rusia do të forcojë kapacitetet e saj në këtë rajon. Prandaj, marina suedeze duhet të vazhdojë të rritet dhe të fokusohet te panorama e përgjithshme”, tha Petkovic.

Ai shtoi se flota hije e cisternave të naftës me flamur civil ruse është gjithashtu shqetësuese dhe nuk përjashtoi mundësinë që anije të tilla të përdoren për të lëshuar dronë.

LEXONI GJITHASHTU:

• Suedia do të shkurtojë ndihmat për pesë vende dhe do t’i dërgoj fondet për Ukrainën
• Stokholmi dhe Damasku bashkëpunim për deportimin e sirianëve të dënuar në Suedi