“Vatikani në mes të Gjakovës”! Zbuloni misterin e fshatit të veçantë

Don Marjan Topalli, Famulltari i Kishës së Shën Jozefit në Pjetërshtan, ishte këtë të martën në një lidhje live për Euronews Albania nga Gjakova, i cili foli për atmosferën e Krishtlindjeve dhe tërheqjen atraktive që përmban fshati, i konsideruar ndryshe edhe si “Vatikani i Vogël”.

Sipas tij, fshatin e Petërshanit aty ku ndodhet edhe kisha e Shën Jozefit e karakterizon mirësia që njerëzit kanë në zemrat e tyre, të cilët janë mikpritës ndër vite dhe vazhdojnë ta trashëgojnë ndër breza. Janë njerëz që e duan njeri-tjetrin dhe i duan edhe të tjerët.

“Njerëzit këtu u japin mundësi edhe të tjerëve të bëhen pjesë e kësaj bukurie dhe qetësie shpirtërore, duke ndarë edhe provat e ndryshme të përditshmërisë. Është shndërruar në një vend tërheqës dhe është e pashmangshme që njerëzit të mos kthehen dhe ta vizitojnë të paktën një herë gjatë javës. Fundjava është më e ngarkuar, fillon në pesë në mbasdite deri në orën 11.

Njerëzit shprehin mirënjohje dhe shfaqin një gëzim nga vizita e përvitshme tashmë. Nuk vinë vetëm besimtarët e fesë katolike, por vinë dhe besimtarët e fesë islame. Vijnë nga Kosova, Gjakova, Shqipëria. Vitet e fundit ka pasur klerikë që i kanë kushtuar jetën Zotit, por ska pasur shumë këtë vit.

Feja katolike, kisha, na mëson se Zoti vërtet ekziston dhe është qendra dhe duhet të jetë qendra e jetës sonë, për këtë arsye besimtarët dhe njerëzit e tjerë janë duke u bindur me kohë se madhështia personale me Zotin është gjë themelore dhe se duhet të mësohet, të integrohet dhe ta zhvillojnë këtë marrëdhënie”, është shprehur Famulltari.

LEXONI GJITHASHTU:

• Këto janë vendet më të bukura që mund t’i vizitoni gjatë Krishlindjeve
• Festat e fundvitit, ndizen dritat e pemës në Sheshin “Skënderbej”