Trump: Hegseth do vendosë për publikimin e videos së sulmit të anijes me drogë

Presidenti amerikan Donald Trump ka deklaruar se ia ka lënë në dorë Sekretarit të Mbrojtjes Pete Hegseth detyrën për të vendosur nëse do të publikojë ose jo videon e sulmit të një varkë të dyshuar me drogë që vrau dy persona.

“Çfarëdo që të vendosë ai, është në rregull për mua. E pashë videon. Ata po përpiqeshin ta kthenin varkën përsëri në një vend ku mund të lundronte, dhe ne nuk donim ta shihnim këtë sepse ajo varkë ishte e mbushur me drogë”, tha Trump.

Qëndrimi i Trumpit ndaj publikimit të videos përfaqëson një ndryshim nga java e kaluar, kur ai tha se nuk do të kishte problem ta bënte pamjet filmike të disponueshme për publikun. Të hënën, Trump mohoi se e kishte thënë ndonjëherë këtë, duke ia lënë Hegsethit në dorë të jepte një rekomandim.

Trump këmbënguli se veprimi ishte i nevojshëm për të shpëtuar jetët amerikane.

“Çdo varkë që nxjerrim nga uji, çdo varkë, shpëtojmë 25,000 jetë amerikane. Ajo ishte një varkë e mbushur me drogë”, tha Trump.

LEXONI GJITHASHTU:

• I riu humbi jetën në Portin e Durrësit, arrestohen kapiteni dhe inxhinieri i anijes
• Witkoff dhe Kushner i vunë ultimatum Zelenskyt në telefon për dorëzimin e Donbasit