Kremlini mohon se Putin dëshiron të rivendosë BRSS-në: Nuk do sulmojmë NATO-n

Zëdhënësi i Kremlinit, Dmitry Peskov, tha të martën se komentet e kancelarit gjerman Friedrich Merz në lidhje me përgatitjet e supozuara të Rusisë për të sulmuar NATO-n janë “të pakuptimta” dhe se presidenti nuk dëshiron të rivendosë Bashkimin Sovjetik.

“Lidhur me përgatitjet për sulm ndaj NATO-s, kjo është absurditet i plotë. Edhe një herë, i bëj thirrje të gjithëve të referohen burimit parësor, Presidentit tonë Vladimir Putin”, tha Peskov në një konferencë për shtyp në Moskë.

Javën e kaluar, pas vizitës së tij në Indi, Putin gjithashtu hodhi poshtë akuzat për planifikimin e ndonjë sulmi kundër Evropës.

Duke komentuar një deklaratë tjetër të Merz, i cili pretendonte se presidenti rus dëshiron të rivendosë ish-Bashkimin Sovjetik, i cili u shpërbë në vitin 1991, Peskov tha se Putin nuk ka një qëllim të tillë.

“Kjo nuk korrespondon me realitetin. Vladimir Putin nuk dëshiron të rivendosë BRSS-në sepse është e pamundur. Dhe ai vetë ka folur vazhdimisht për këtë”, theksoi ai.

Peskov shtoi se deklarata të tilla tregojnë mungesën e respektit të Merz ndaj vendeve të Bashkësisë së Shteteve të Pavarura (CIS).

LEXONI GJITHASHTU:

• Putin: Donbasi është territor rus. Aty ka lindur Rusia
• Gjykata Ndërkombëtare: Urdhër-arresti ndaj Putin nuk hiqet