PSG merr kreun e Ligue 1, fitoi ndaj Metz në transfertë 2-3

PSG-ja ka marrë kreun e klasifikimit në kampionatin francez të futbollit, pasi të shtunën mposhtin Metzin në transfertë. Skuadra e Luis Enrike triumfoi me rezultatin 2-3.

Gara në kampionatin francez këtë sezon duke se ka një rivalitet më të madh në krahasim me vitet e fundit, ku PSG arrinte ta fitonte disa javë para fundit. Aktualisht kampionët në fuqi po kalojnë një formë me luhatje, ndërsa të shtunën u ngjitën në krye të klasifikimit, pasi fituan në transfertë ndaj Metz, sfidë e cila përfundoi 2-3. Një lojë e dominuar nga të besuarit e Luis Enrique, të cilët gjetën avantazhin me Ramos në minutën e 31-të. Ndjantou dyfishoi shifrat, por vendësit do të reagonin brenda pjesës së parë me Deminguet.

Ylli i gjelave, Desire Doue dërgoi shifrat në 1-3 në pjesën e dytë duke i dhënë qetësi të tijve, ndërsa Metz do të provonte dhe një herë me gjeorgjianin Tsitaishvili. Në vijim asgjë nuk ndryshoi dhe PSG mori triumfin e radhës, i cili është i 11-ti në Ligue 1.

Aktualisht parizienët kanë 36 pikë, dy më tepër se Lens që është ndjekësi më i afërt. Sfida e radhës për kampionët në fuqi të Francës, por dhe të Evropës është derbi i qytetit ndaj Paris FC që renditet i 14-ti.