Real Madrid rikthehet te fitorja, vihet në ndjekje të Barcelonës

Reali i Madridit siguroi fitoren e 12-të në kampionatin spanjoll në 17 javë të luajtura, teksa kundërshtari i radhës ishte Alaves.

Sfida u dominua nga Los Blancos, të cilët nuk mundën ta mbajnë portën të paprekur, duke pësuar një gol nga vendësit.

Futbollisti i momentit për skuadrën e Xabi Alonso është Kylian Mbappe, i cili shënoi golin në minutën e 24-të të fraksionit të parë dhe kaloi përpara të tijët.

Alaves provoi disa herë të rrezikonte dhe e konkretizoi në pjesën e dytë, ku Vicente, i ardhur nga stoli, riktheu ekuilibrat.

Nuk do të vononte shumë reagimi i Los Blancos, të cilët gjetën fitoren me brazilianin Rodrygo, duke vulosur rezultatin 1-2.

Madrilenët marrin 3 pikët e radhës dhe qëndrojnë në vendin e dytë, 4 pikë pas bluagranëve që kryesojnë garën.

Sa i përket Barcelonës, ata fituan 2-0 përballë Osasunas në shtëpi. Të dy golat erdhën në pjesën e dytë me autor brazilianin Raphinha, i cili që prej rikthimit pak javë më parë po kalon një formë fantastike me Barcelonën.

Aktualisht, të besuarit e Hansi Flick numërojnë 14 fitore, 1 barazim dhe 2 humbje në kampionat dhe renditen të parët.

LEXONI GJITHASHTU:

• VIDEO/ Inter rikthehet në krye të Serisë A, Milan ndalet nga Sassuolo