“Imuniteti i Ballukut”, gazetarja: Mbledhja mund të jetë me dyer të mbyllura, ja pse

Gazetarja e Euronews Albani, Eksiola Shehu në një lidhje live në emisionin “Now” me Erla Mëhillin ka dhënë detaje lidhur me mbledhjen e Këshillit të Mandateve, Rregullores dhe Imunitetit i cili do të mbahet më 19 dhjetor për heqjen e imunitetit të Belinda Ballukut.

Gazetarja thekson se pas mbledhjes së parë Këshilli ka kohë dy javë për të hartuar raportin dhe për ta përcjellë për në seancë plenare. Ajo shtoi se seanca nuk dihet ende nëse do të jetë e hapur apo e mbyllur pasi përcaktohet nga kërkesa e prokurorit të çështjes.

Sipas saj votimi kërkon shumicë të thjeshtë prej 71 votash. Gazetarja shton se të enjten është seanca e fundit plenare para se deputetët të marrin pushimet e fundvitit. Sipas saj mbetet ne vullnetin politik të PS se kur do ta trajtojë çështjen dhe sa kohë do të marrë.

“Pas mbërritjes në Kuvendin e Shqipërisë të kërkesës nga SPAK, Kuvendin e Shqipërisë, është vënë në lëvizje përmes kryetari të saj Niko Peleshi i cili menjëherë ka thirrur mbledhjen e Këshillit të Mandateve, Rregullores dhe Imunitetit i cili do të mbahet më 19 dhjetor në orën 10 e 30.

Nëse do të kemi një seancë të hapur, gjysmë të hapur apo të mbyllur, kjo do të jetë në varësi të dokumentacionit që do të këtë nga SPAK dhe nga kërkesa e prokurorit të çështjes.

Përveç 10 anëtarëve që janë me pjesëmarrje të barabartë gjithashtu njofton deputeten Balluku. Ajo mund të jetë vetë prezent, mund të zgjedhe të mbrohet nga avokati i saj ose ti dërgojë parashtrimet e saj më shkrim.

Nga mbledhja e parë e Këshillit, ka kohë 2 javë të hartojë raportin që di ti përcillet seancës plenare për votim. Ditën e votimit ky raport nuk është pjesë e diskutimit ndërsa Belinda Balluku ka të drejtë të flasë dhe tu përgjigjet pyetjeve të deputetëve dhe te votohet”, tha ajo.

• LEXONI GJITHASHTU:
• Gazetari Ferhati zbulon prapaskenat: Ja çfarë kërkon SPAK nga Kuvendi për Ballukun
• Papunësia në SHBA u rrit në nëntor në nivelin më të lartë në 4 vite