Zbardhet vrasja e Pavlin Prekës në derë të shtëpisë në Shkodër,arrestohen dy autorët

Policia e Shkodrës ka arrestuar dy persona, duke hedhur dritë mbi vrasjen e 20-vjeçarit Pavlin Preka, i cili u gjet pa shenja jete në oborrin e banesës së tij në fshatin Guci e Re, më 27 shkurt 2025.

Në pranga kanë rënë Klaudio Lisaj, 20 vjeç, banues në fshatin Mgull, dhe Vasel Koçeku, 43 vjeç, banues në Hot i Ri. Ata dyshohen si autorë të vrasjes dhe akuzohen për “vrasje me paramendim” të kryer në bashkëpunim, si edhe për “mbajtje pa leje dhe prodhim të armëve dhe municionit”.

Sipas njoftimit zyrtar, arrestimet u kryen në kuadër të operacionit policor të koduar “Pesha e krimit”, i zhvilluar nga Drejtoria Vendore e Policisë Shkodër nën drejtimin e Prokurorisë, me mbështetjen e Forcës Kombëtare të Sigurisë, Njësisë Shkodër dhe forcave speciale “Shqiponja”.

Autoritetet bëjnë me dije se, pas një pune intensive hetimore dhe operative, u bë i mundur identifikimi i autorëve dhe zbardhja e plotë e rrethanave të ngjarjes së ndodhur në fund të muajit shkurt.

Materialet procedurale i janë referuar Prokurorisë së Shkodrës për veprime të mëtejshme ligjore.

LEXONI GJITHASHTU:

• Mashtrim me biznes fiktiv makina me qira, Prokuroria Shkodër çon në gjyq 3 persona
• Sherri mes të miturve në Shkodër, lirohen 2 të rinjtë e dyshuar si organizatorë