Sherri mes të miturve në Shkodër, lirohen 2 të rinjtë e dyshuar si organizatorë

Gjykata e Shkallës së Parë ka vendosur masën e sigurisë “detyrim paraqitje” për K.TH, 24 vjeç, dhe D.K, 19 vjeç, të dyshuar si organizatorë të një rrahjeje masive mes adoleshentësh, e ndodhur disa ditë më parë pranë gjimnazit “Shejnaze Juka” në Shkodër.

Në përplasjen e dhunshme u përfshinë rreth 15 të rinj, kryesisht 17–18 vjeç, të ndarë në dy grupe. Konflikti nisi me grushte dhe më pas eskaloi me përdorimin e sendeve të forta, ndërsa dyshohet se është përdorur edhe armë e ftohtë (thikë).

Si pasojë, tre adoleshentë mbetën të dëmtuar lehtë dhe u dërguan në spitalin rajonal të Shkodrës, ku morën ndihmë mjekësore dhe ndodhen jashtë rrezikut për jetën.

Hetimet tregojnë se konflikti ka zanafillë një përplasje të mëparshme mes nxënësve. D.K, 19 vjeç, dyshohet se u përfshi në rrahje për t’i dalë në ndihmë vëllait të tij 17-vjeçar, nxënës i shkollës “Shejnaze Juka”.

LEXONI GJITHASHTU:

• Arrestohen 24-vjeçari dhe 19-vjeçari, u përfshinë në sherrin e të miturve në Shkodër
• Dalin pamjet nga sherri masiv mes gjimnazistëve në Shkodër