Arrestohen 24-vjeçari dhe 19-vjeçari, u përfshinë në sherrin e të miturve në Shkodër

Policia e Shkodrës ka dalë me një njoftim zyrtar në lidhje me sherrin masiv që ndodhi të premten jashtë një gjimnazi në këtë qytet. Sipas policisë, janë arrestuar një 24-vjeçar dhe një 19-vjeçar, ndërsa ka nisur procedimi penal për pesë të mitur.

Njoftimi i policisë

“U arrestuan shtetasit K. Th., 24 vjeç, dhe D. K., 19 vjeç, si dhe filloi procedimi penal për pesë shtetas të mitur (4 prej tyre 17-vjeçarë dhe një 16-vjeçar). Këta shtetas, në rrugë, në lagjen ‘Kongresi i Përmetit’, për motive të dobëta, janë konfliktuar fizikisht me njëri-tjetrin dhe, si pasojë, kanë pësuar dëmtime të lehta dy shtetas të mitur 17-vjeçarë. Në bashkëpunim me Prokurorinë vijon puna për dokumentimin e plotë ligjor të rastit”, njofton policia.

Kujtojmë që sherri ndodhi mesidtën e së premtes në lagjen “Kongresi i Përmetit” në Shkodër, përpara gjimnazit “Shejnaze Juka”.

LEXONI GJITHASHTU:

• Dalin pamjet nga sherri masiv mes gjimnazistëve në Shkodër
• Detajet nga Shkodra, gazetari: 15 nxënës të përfshirë në sherrin masiv, 3 në spital