“Miqtë e teatrit” sjellin në Gjirokastër premierën e shfaqjes “Pa identitet”

Një grup dashamirësish të teatrit vendosën në skenën artistike në qytetin e Gjirokastrës premierën e shfaqjes “Pa identitet”.

Pjesa me regji të Kudret Alikajt e interpretuar nga rrjeti “Miqtë e teatrit” përcjell mesazhe për shoqërinë bashkëkohore shqiptare me të mirat dhe të këqijat e saj, urrejtjen dhe dashurinë, agresivitetin dhe humanizmin.

“Çështja që u diskutua më shumë dhe ishte tematika e kësaj shfaqje ishte realiteti ku ne jetojmë normalisht me të mirat dhe të këqijat e veta, nis me shumë realitet pastaj kalojmë me shumë dashuri, unë uroj që të gjithë ata që e kanë parë, e kanë pëlqyer dhe shihemi në shfaqje të tjera”, tha Majlinda Memushi, interpretuese “Miqtë e teatrit”.

Regjisori, Kudret Alikaj shprehet se këto aktivitete i japin një frymë tjetër teatrit.

“Të gjitha këto aktivitete mendoj se i japin një frymë tjetër teatrit aq më tepër bën pjesë publikun, bën pjesë qytetarin tënd të cilët e presin me një gëzim të jashtëzakonshëm” tha ai.

Grupimi “Miqtë e teatrit” funksionon prej 5 vitesh në qytetin e Gjirokastrës ndërsa ka vendosur në skenë shfaqje cilësore që janë duartrokitur nga artdashësit.

LEXONI GJITHASHTU:

• Zvicra në hapat e Australisë, e hapur për të ndaluar rrjetet sociale për fëmijët
• Plani i paqes, Zelensky dëshiron konsultime me Evropën pas bisedimeve në SHBA