EMRI/ Plagoset taksisti 45-vjeçar në Durrës, çohet me urgjencë në spital

Një taksist 45-vjeçar ka mbetur i plagosur pasditen e kësaj të diele në qytetin e Durrësit.

Sipas burimeve të Euronews, i plagosuri Florant Sinanaj, banues në Tiranë, është përfshirë në një konflikt me një drejtues tjetër mjeti në zonën e Plazhit të Durrësit, për shkak të një parakalimi.

Gjatë konfrontimit fizik, 45-vjeçari është plagosur me mjet prerës ndërsa policia ka nisur punën për identifikimin dhe kapjen e autorit, si edhe për dokumentimin e plotë të rrethanave të ngjarjes.

Ngjarja ndodhi në lagjen nr. 13, në zonën e Plazhit, në Durrës ndërsa 45-vjeçari i plagosur është dërguar me urgjencë në Spitalin Rajonal të Durrësit.

Njoftimi i policisë

“Rreth orës 17:35, në lagjen nr. 13, Durrës, dyshohet se, gjatë një konflikti, është goditur me mjet prerës (thikë), nga persona ende të paidentifikuar, shtetasi F. S., 45 vjeç, banues në Tiranë, i cili ndodhet në spital, në kujdesin e mjekëve. Grupi hetimor po punon për sqarimin dhe dokumentimin e rrethanave të ngjarjes, me qëllim identifikimin dhe kapjen e autorëve”, njofton policia.

LEXONI GJITHASHTU:

• EMRAT/ Të shtënat me armë në Kukës, plagosen dy persona! Në kërkim 2 vëllezër
• E rëndë në Durrës, 57-vjeçari bie nga pallati dhe humb jetën