Aksidentoi 78-vjeçarin një ditë më parë në aksin “Korçë-Pogradec”, në pranga 44-vjeçari

Policia e Korçës njoftoi këtë të mërkurë se ka arrestuar një 44-vjeçar, pasi ditën e djeshme, në aksin rrugor “Korçë-Pogradec”, ka përplasur një 78-vjeçar, i cili po lëvizte me biçikletë.

Sipas raportimeve nga policia, në pranga ka rënë shtetasi B. M., 44 vjeç, banues në Korçë, i cili duke drejtuar automjetin, aksidentoi shtetasin H. F., 78 vjeç, banues në fshatin Sovjan, që po lëvizte me biçikletë. Shtetasi H. F. vazhdon të jetë nën kujdesin e mjekëve.

Njoftimi i plotë i policisë:

Drejtoria Vendore e Policisë Korçë
Në vijim të informacionit paraprak të dhënë dje për aksidentin në aksin rrugor “Korçë-Pogradec”, në fshatin Sovjan, bëjmë me dije se specialistët e Sektorit të Qarkullimit Rrugor arrestuan në flagrancë shtetasin B. M., 44 vjeç, banues në Korçë, i cili duke drejtuar automjetin, aksidentoi shtetasin H. F., 78 vjeç, banues në fshatin Sovjan, që po lëvizte me biçikletë. Shtetasi H. F. vazhdon të jetë nën kujdesin e mjekëve

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.