Tragjike në Shkodër, shpërthen kabina elektrike! Humb jetën një person

Një ngjarje e rëndë ndodhi paraditen e sotme në lagjen “Manush Alimani” të Shkodrës. Rreth orës 10:10, në hyrje të një pallati dyshohet se ka shpërthyer paneli i matësave të energjisë elektrike.

Si pasojë, një person i identifikuar si Hysni Ymeri, rreth 67 vjeç, banor i pallatit, u dërgua në Spitalin Rajonal Shkodër, ku humbi jetën.

Grupi hetimor, nën drejtimin e Prokurorisë, po punon për dokumentimin e plotë të ngjarjes, identifikimin e viktimës dhe përcaktimin e shkakut të shpërthimit.

Autoritetet bëjnë thirrje për kujdes dhe shmangie të zonës derisa të përfundojnë hetimet.