Reshjet në vend, Haxhimali: Duhet plan afatgjatë, kemi dështuar në parandalim

Eksperti për qeverisjen vendore dhe drejtori ekzekutiv i Institutit për Bashkitë, Agron Haxhimali ka komentuar në “Now” situatën nga reshjet dendura që kanë sjellë mjaft problematika në vend.

Eksperti thekson se defekti më i madh qëndron te mungesa e parandalimit, duke shtuar se pa politika të qarta dhe planifikim afatgjatë, këto problematika do të vazhdojnë të përsëriten.

“Ne kemi investuar në momentin e parë për këtë ngjarje dhe kemi harruar të investojmë në parandalim. Ky është defekti më i madh që kemi.

Nëse duam të bëjmë këtë planifikimin e mirë se sa është sasia e reshjeve, sa është shkarkimi, si e kemi sistemin e hidrovoreve, të gjitha institucionet e bëjnë planifikimin të qartë se sa pjesë territori po përmbytet dhe sa familje rrezikojnë.

I gjithë mekanizmi lë për të dëshiruar. Sa kohë nuk bëjmë politika për të ndërtuar sistemin e parandalimit, do kemi dimër verë këto problematika”, tha eksperti Haxhimali.