Bie niveli i lumit të Vjosës, kuota ulet në 8.4 metra

Niveli i lumit Vjosë ka nisur të shënojë rënie që prej mesnatës. Aktualisht, prurjet e ujit janë ulur në kuotën 8.4 metra, duke bërë që uji të tërhiqet gradualisht nga zonat e përmbytura.

Megjithatë, situata mbetet problematike në zonën e Bishanit, ku nënkalimi vijon të jetë i mbuluar nga rreth 2 metra ujë, duke e bërë të pamundur qarkullimin e automjeteve.

Si pasojë e përmbytjeve, uji ka depërtuar në rreth 20 banesa në Bishan, kryesisht në ambientet e jashtme të tyre, duke shkaktuar dëme materiale dhe shqetësim për banorët e zonës.