VIDEO/ Pamje me dron, ja çfarë ka mbetur nga zjarri që përfshiu tregun te “5 Maji”

Këto janë pamjet me dron të siguruara nga Euronews Albania, përmes operatorit Rasmel Daja, duke treguar gjithçka që ka mbetur nga zjarri i mbrëmjes së djeshme.

Siç duket edhe nga pamjet, gjithçka duket e shkatërruar dhe bëhet me dije se dëmet janë të konsiderueshme. Ende nuk është përllogaritur se sa është dëmi, por çdo gjë është djegur dhe ajo që ka mbetur janë vetëm inertet.

Ndërkaq, në terren vijon të jetë ende edhe perimetri i sigurisë, ku nuk lejohet të futet asnjë person, pavarësisht se ka pasur tentativa të shumta nga ana e tregtarëve për të hyrë dhe për të parë atë çfarë ka mbetur.

Nga pamjet duken edhe vatrat që vijojnë të jenë ende aktive, për faktin se materiali që ndodhet brenda këtij tregu e ka bërë të mundur që zjarri të riaktivizohet. Ende nuk është neutralizuar i gjithë zjarri.