Rrëshqitjet e dherave bllokojnë rrugën Elbasan–Gjinar, banorët kërkojnë ndërhyrje

Si pasojë e reshjeve të shumta dhe motit të keq, në rrugën Elbasan–Gjinar ka pasur rrëshqitje dherash, të cilat kanë sjellë bllokimin e qarkullimit.

Bllokimi ka ndodhur rreth orës 10:00 të kësaj të shtune, në afërsi të fshatit Lleshan, duke ndërprerë qarkullimin në këtë aks të rëndësishëm që lidh disa fshatra të zonës së Shpatit.

Banorët dhe drejtuesit e mjeteve kërkojnë ndërhyrjen e menjëhershme të ekipeve të Autoritetit Rrugor Shqiptar (ARRSH) për pastrimin e rrugës dhe rikthimin e qarkullimit në normalitet.