Von der Leyen më 17 Janar në Paraguai, do të nënshkruajë marrëveshjen me Mercosur 

BE-ja dhe Mercosur do të nënshkruajnë marrëveshjen e tyre të shumëpritur tregtare të shtunën. Presidentja e Komisionit Evropian, Ursula von der Leyen që do të udhëtojë për në Paraguai më 17 janar për ceremoninë e nënshkrimit.

Zëdhënësi i Komisionit, Thomas Regnier konfirmoi planet e udhëtimit të Von der Leyen. Asaj do t’i bashkohet presidenti i Këshillit Evropian, Antonio Costa.

Udhëtimi vjen pasi shumica e vendeve anëtare të BE-së votuan të premten në favor të nënshkrimit të marrëveshjes.

Marrëveshja BE-Mercosur pritet të krijojë zonën më të madhe të tregtisë së lirë në botë, që mbulon rreth 700 milionë njerëz. Përveç Paraguait, blloku Mercosur përbëhet nga Argjentina, Brazili dhe Uruguai.