Plazhi i Velipojës ka hapur zyrtarisht sezonin turistik, nuk mungojnë edhe pushuesit nga Kosova

Me dhjetëra pushues, nga qyteti i Shkodrës, por edhe nga rrethet e tjera, si dhe Kosova kanë mbërritur në bregdetin e Velipojës, i cili prej vitesh mban rekordin e plazhit më të pastër, sipas monitorimeve të kryera nga Ministria e Mjedisit.

Gazetari i Euronews Albania, Teodor Gjerga raportoi se po sot ka nisur zyrtarisht edhe sezoni turistik në këtë plazh, ku nuk kanë munguar as aktivitetet ujore për fëmijët.

Gazetari u ndal edhe tek ndërtimet pa leje në këtë vijë bregdetare, ku tha se deri më tani janë identifikuar rreth 17 objekte pa leje.

Sipas tij, një pjesë e tyre janë çmontuar nga vetë abuzuesit, ndërkohë pritet që nga e hëna të nisë edhe aksioni i qeverisë.

LEXONI GJITHASHTU:

Sezoni turistik, mungojnë rojet e plazhit, të rinjtë certifikohen për të punuar jashtë vendit