Rama: Së shpejti një agjenci ku planifikimi, zhvillimi dhe strehimi do të jenë bashkë

Kryeministri Edi Rama gjatë fjalës së tij në mbledhjen me kryebashkiakët e vendit në Golem foli lidhur me strehimin e familjeve që kanë nevojë. Ai u shpreh se së shpejti do të krijojnë kemi një agjenci për planifikimin, zhvillimin dhe strehimin.

“Ne po bëjmë një reformë dhe do të kemi së shpejti një agjenci ku planifikimi, zhvillimi dhe strehimi do te jenë bashkë. Kjo agjenci do të jetë në dispozicion të pushtetit vendor dhe në lidershipin e Ministrisë së Ekonomisë.

Ky proces do të jetë i hapur të gjithë. Duhet një qasje vullnet plote e juaja. Duhet iniciative, duhet parë çdo pjese e territorit me një qasje sipërmarrëse. Çfarë mund te nxjerr unë nga kjo pjesë e territorit për të ardhurat e Bashkisë për të bërë më shumë punë publike.

Nuk mundet të rrini e të prisni nga buxheti i shteti dhe nga tarifat dhe qeratë. Sidomos disa bashki që i kanë të gjitha potencialet, por edhe bashkitë  e vogla mund dhe duhet ta bëjnë. Është e papranueshme, cili dihet te jetë objektivi jonë, por në momentin kur Paketa e Maleve u shpall ditën e parë kishte 700 e kusur interesime nga shqiptare jashtë atdheut.

Është një instrument për të tërhequr kursimet e shqiptarëve jashtë atdheut. Si ka mundësi që nuk ka mbaruar ende faza e parë në të gjitha bashkitë”, tha ai.