Rama vizitë në Hungari e Bullgari, në fokus të takimeve bashkëpunimi mes vendeve dhe integrimi i Shqipërisë

Këtë fillim jave kryeministri Edi Rama ka udhëtuar drejt Budapestit për të zhvilluar një vizitë zyrtare me ftesë të homologut hungarez, Viktor Orban.

Në fokus të vizitës është bashkëpunimi mes dy vendeve në ekonomi, shëndetësi, arsim dhe për ecurinë e integrimit europian të Shqipërisë.

Një ditë më pas, kryeministri shqiptar do të udhëtojë drejt Bullgarisë për një tjetër vizitë zyrtare, e më pas të mërkurën do të kthehet në Tiranë përpara seancës për shkarkimin e Presidentit Meta.