U godit nga pompa e betonieres, humb jetën 58-vjeçari në Tiranë

Një person ka humbur jetën pas një aksidenti me betoniere të mërkurën në Tiranë.

Policia tha se shtetasi R. R., 58 vjeç është goditur nga pompa e betonieres që drejtohej nga një 36-vjeçar që punonte në të njëjtin subjekt me të.

“Specialistët për Hetimin e Krimeve të Komisariatit të Policisë Nr. 5 arrestuan shtetasin E. L., 36 vjeç, pasi dyshohet se si pasojë e rrëzimit të pompës së mjetit të punës (betoniere) që drejtonte, është dëmtuar punonjësi në të njëjtin subjekt me të, shtetasi R. R., 58 vjeç, i cili si pasojë ka humbur jetën”, bëri me dije policia.