Rreth 1 miliard euro dëme nga moti i keq që goditi Sicilinë

Vlerësimi i ri i dëmeve nga vala e fortë e motit të keq që goditi Sicilinë deri mbrëmë arrin në 720 milionë euro, snjoftoi guvernatori rajonal i ishullit, Renato Schifani.

Siç deklaroi ai, shpallja e gjendjes së jashtëzakonshme në Sicili për shkak të fatkeqësive natyrore siguron shpërndarjen e menjëhershme të 70 milionë eurove, të cilat synojnë të mbulojnë nevojat më të menjëhershme që vijnë nga moti i keq.

Në Sardenjë, presidentja e rajonit, Alessandra Tode, tha se dëmi vlerësohet në qindra milionë euro. Në të njëjtën kohë, ajo kërkoi takime të menjëhershme me qeverinë në Romë, me qëllim sigurimin e mbështetjes së nevojshme financiare. Valët shumë të larta dhe reshjet e vazhdueshme shkaktuan gjithashtu, sipas autoriteteve lokale, dëme serioze në pasurinë arkeologjike të ishullit.

Situata ishte veçanërisht shqetësuese në Kalabri. Sipas vlerësimeve, brigjet e rajonit, të cilat lagen nga deti Jon, u mbuluan nga valë deri në nëntë metra të larta. “Kjo është një lartësi ekuivalente me një ndërtesë apartamentesh me katër kate”, tha kreu i Mbrojtjes Civile të Kalabrisë, Fabio Ciciliano.

Siç shtoi ai, vala e motit të keq u shoqërua me erëra që tejkaluan 110 kilometra në orë, duke përkeqësuar shkatërrimin në zonat bregdetare dhe infrastrukturën.