Durrës/ Tentoi të kontrabandonte cigare elektronike në Port, arrestohet 59-vjeçari

Vijojnë kontrollet e Policisë Kufitare për parandalimin dhe goditjen e paligjshmërive në kufi. Shërbimet e PKK Port, Durrës, arrestuan në dalje të Republikës së Shqipërisë shtetasin A. S., 59 vjeç, banues në Maqedoni, i cili tentoi të kontrabandonte dhjetëra steka me cigare elektronike.

Gjatë kontrollit të imtësishëm në kamionin që drejtonte 59-vjeçari, policia konstatoi të fshehura 37 steka me paketa cigaresh elektronike. Në cilësinë e provës materiale u sekuestruan gjithashtu kamioni, një aparat celular dhe sasia e mallrave të dyshuara të kontrabanduara.

Materialet procedurale i kaluan Prokurorisë për veprime të mëtejshme ligjore.