Grabitet një pikë kredie nën kërcënimin e çekiçit në Shkodër, çfarë thotë policia

Një grabitje ka ndodhur në një subjekt kredidhënës në qytetin e Shkodrës, ku rreth orës 15:30, në lagjen “Vojo Kushi”, një shtetas ende i paidentifikuar ka kërcënuar punonjësit me një mjet të fortë (çekiç) në dorë dhe ka marrë një shumë monetare në lekë.

Shërbimet e Policisë kanë shkuar menjëherë në vendin e ngjarjes dhe vijojnë kontrollet në zonë për kapjen e autorit.

Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të rastit.