Vritet me armë zjarri 45-vjeçari në Peqin, arrestohet autori

Një tjetër vrasje ka ndodhur ditën e sotme në vend. Policia bën me dije se ngjarja ka ndodhur mëngjesin e sotëm në fshatin Gjocaj, në Peqin ku gjatë një konflikti për motive të dobëta, Leonard Bashaliu, 36 vjeç ka vrarë me armë zjarri shtetasin Ylber Xhahysa, 45 vjeç.

Policia e mbërritur në vendngjarje bëri të mundur identifikimin e më tej arrestimin e autorit të krimit.

Ditët e fundit një numër i madh ngjarjesh kriminale janë shënuar në vend. Një ditë më parë një krim në familje ndodhi në Librazhd, ku burri vrau gruan e më pas u vetëvar, ndërsa ditën e diel, një burrë në Shkodër vrau motrën.

Po të dielën një biznesmen u vra më armë zjarri në Sarandë, ndërsa më 4 qershor kryeqyteti u trondit nga një vrasje me armë zjarri e ndodhur në mes të qytetit në mes të ditës, ku vjehrri vrau me armë zjarri dhëndrin në proces divorci me vajzën e tij.