Presidenti i KE, Antonio Costa thërret udhëheqësit evropianë, cili është synimi i takimit

Ish-presidenti i Bankës Qendrore Evropiane, Mario Draghi, dhe ish-kryeministri italian Enrico Letta do të marrin pjesë më 12 shkurt në një takim informal të udhëheqësve të Bashkimit Evropian, të ftuar nga Presidenti i Këshillit Evropian, António Costa.

Takimi synon të përshpejtojë zbatimin e raporteve mbi konkurrueshmërinë dhe tregun e vetëm të BE-së, të cilat Draghi dhe Letta kanë përgatitur në vitin 2024. Costa tha se qëllimi është të nisë një debat ndërinstitucional për të forcuar ekonominë evropiane dhe të japë një shtysë të re reformave.

Ky format joformal u mundëson udhëheqësve të diskutojnë ide pa kufizimet e një samiti tradicional, duke u fokusuar këtë herë në axhendën ekonomike dhe konkurrueshmërinë e BE-së.