Pakësohen martesat, shtohen divorcet! Familja shqiptare drejtë ndryshimit

Në Shqipëri, çiftet, nuk preferojnë më të kurorëzohen, por ndërkohë nga ana tjetër edhe ata që janë të martuar, kërkojnë divorcin, me rreth një në tre çifte që janë ndarë në vitin 2024.

Të dhënat më të fundit tregojnë se martesat në vendin tonë, kanë pasur një stabilitet nga vitet 1990, deri në at 2004. Më pas struktura familjare nisi të marrë një tjetër rrjedhë, duke shënuar nga 29 000 martesa që regjistroheshin në vitin 1990, në vetëm 16 120 martesa në 2024.

Edhe divorci tani më nuk është një tabu, ashtu siç shihej ne vitet 1990. Në vitin 2024 kjo shifër arriti një nivel historik prej afërsisht 29.8 divorce për çdo 1 000 martesa, niveli më i lartë i regjistruar ndonjëherë në vend.

Këto shifra shpesh janë ardhur si rezultat i emigracionit të të rinjve, faktori ekonomik, i cili në shumë raste luan rolin kryesorë, por dhe modernizimi që ka marrë tani më familja. Duke pasur si fillim prioritet, secili mirëqenien e tij dhe duke vënë në plan të dytë, nëse duhet të shkojnë në martesë apo jo.

Nga ana tjetër edhe divorci, nuk është sa I thjeshte sa duket, duke sjellë pas tij një sërë problemesh, që nga kujdestaria e fëmijës, pasuria, pagesat që detyrohen në muaj, e deri tek mungesa e mbështetjes për prindërit e vetëm.