Rubio: Do të rikthehet prania diplomatike amerikane në Venezuelë

Sekretari amerikan i Shtetit, Marco Rubio, deklaroi në Senat se Uashingtoni ka angazhuar një ekip në terren për të vlerësuar zhvillimet aktuale në vend. Sipas tij, hapja e një misioni diplomatik në të ardhmen e afërt do t’i lejonte SHBA-së të ketë komunikim të drejtpërdrejtë dhe informacion të menjëhershëm mbi situatën.

Rubio bëri të ditur gjithashtu se autoritetet amerikane kanë vendosur kontakte të rregullta dhe funksionale me drejtuesit e përkohshëm të Venezuelës, duke e cilësuar komunikimin mes palëve si konstruktiv.

Zhvillimet vijnë pas arrestimit të Nicolas Maduro-s më 3 janar, gjatë një operacioni ushtarak amerikan në Karakas. Ish-presidenti venezuelian u transferua në Shtetet e Bashkuara, ku po mbahet në paraburgim, ndërsa pritet të përballet me akuza për trafik droge.

Më 5 shkurt, Maduro u betua si president i përkohshëm, në një kontekst ku Uashingtoni ka deklaruar se do të ushtrojë ndikim të drejtpërdrejtë mbi vendimmarrjen në Venezuelë deri në një njoftim të ri.