Goditi me sende të forta në kokë 30-vjeçarin, në kërkim autori në Shkodër

Policia e Shkodrës këtë të shtunë ka shpallur në kërkim një 24-vjeçar pasi për motive të dobta ka goditur me sende të forta në fytyrë dhe në kokë një person tjetër.

Sipas raportimeve nga policia, në kërkim është shpallur shtetasi A. K., 24 vjeç, banues në Shkodër, pasi në ambientet e një subjekti “bar-kafe”, ka goditur shtetasin M. D., 30 vjeç.

Njoftimi i plotë i policisë:

“Specialistët për Hetimin e Krimeve të Komisariatit të Policisë Shkodër shpallën në kërkim shtetasin A. K., 24 vjeç, banues në Shkodër, pasi më datë 29.01.2026, në ambientet e një subjekti “bar-kafe”, për motive të dobëta ka goditur me sende të forta, në fytyrë dhe në kokë, shtetasin M. D., 30 vjeç, banues në Shkodër.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, thuhet në njoftim.