“Nëse Berisha drejton PD-në në 2029 do dalë edhe më keq”, Gazetari: Ai është mbret në opozitë

Këtë të shtunë në Review në Euronews Albania me moderatore Greta Topjana është diskutuar mbi debatin politik në vend mes opozitës dhe mazhorancës. Sipas gazetarit të ftuar në studio, Denis Minga, qëndrimi i Berishës jep fitoret e Ramës; edhe kjo, sipas tij, është një e keqe për vendin.

“Ne jetojmë në një sistem bipartiak; duam s’duam, ne dy parti janë sot. Të tjerat janë garnitura ose të PS-së, ose të PD-së. Pse është PD? Sepse me PD-në rritet arroganca e PS-së. PS nuk lëviz aty. PS nuk bie nga 48 përqind, kurse PD bie vetëm më poshtë. Edhe në zgjedhjet e fundit, me gjithë skandalet e qeverisë, bie në 500 mijë vota. Ne duhet të jemi të interesuar për PD. Berisha nuk e bën dot këtë mision. Ka pjesën më të madhe të 500 mijë votave. Berisha nuk kalon dot Bashën. Ai është mbret në opozitë. Është partneri kryesor i qeverisë. Bie balanca politike e vendit. Rama nga 83 mund të shkojë 93 vende. Sa më keq shkon PD-ja, aq më keq për vendin. Edhe në 2029, nëse shkon, do të humbë më keq.” – tha Minga.