Vedat Muriqi shënon përsëri, Mallorca fiton 4-1 ndaj Sevillas

Sulmuesi i përfaqësueses së Kosovës, Vedat Muriqi, vazhdon formën e jashtëzakonshme në La Liga, duke kontribuar sërish në fitoren e Mallorca ndaj Sevilla me rezultatin 4-1.

Në minutën e 26-të, Muriqi shënoi nga pika e bardhë e penalltisë, duke i dhënë avantazhin ekipit të tij. Ky ishte goli i 15-të i sulmuesit kosovar në kampionat, duke e renditur atë si golashënuesin e dytë më të mirë të sezonit, pas Kylian MbappE, i cili ka shënuar 22 gola deri tani.

31-vjeçari po kalon një formë të jashtëzakonshme këtë sezon dhe konsiderohet ndër më të mirët në La Liga, duke dhënë një kontribut vendimtar për Mallorca në secilën ndeshje.