Tregtonte në Vlorë medikamente mjekësore kontrabandë nga Italia, arrestohet 53 vjeçari

Specialistët për Hetimin e Krimeve Ekonomiko-Financiare të DVP Vlorë, si rezultat i kontrolleve intensive, kanë goditur një rast të tregtimit të mallrave të kontrabanduara.   

Lidhur me këtë rast, u arrestua shtetasi me iniciale P. Ç., 53 vjeç dhe nisi procedimi penal për djalin e tij, shtetasin D. Ç., 26 vjeç, të dy banues në Vlorë. 

Shtetasi P. Ç. u kap në nga policia, mbrëmjen e djeshme, duke transportuar me automjet, mallra si medikamente mjekësore dhe celularë, të dyshuara të kontrabanduara nga Italia.   

Policia ka sekuestruar dhe medikamentet. Vijojnë hetimet për dokumentimin e veprimtarisë kriminale të këtyre shtetasve dhe identifikimin e shtetasve të tjerë që mund të jenë të përfshirë.