Moti keq bllokon rrugën në Theth, ARRSH: Ortekët kanë rënë pranë tuneleve panoramikë

Autoriteti Rrugor Shqiptar njofton se rruga në segmentin pranë tuneleve panoramike të aksit Qafë Thore-Theth është bllokuar plotësisht si pasojë e renies së ortekëve nga moti i keq.

Për shkak të rrezikut të lartë, qarkullimi mbetet i ndaluar për të gjitha automjetet, përfshirë edhe mjetet borëpastruese. Autoritetet bëjnë thirrje që drejtuesit e mjeteve të respektojnë sinjalistikën dhe të shmangin këtë aks deri në njoftime të mëtejshme zyrtare.

Njoftimi ARRSH:

NJOFTIM

Si pasojë e rënies së ortekëve në zonën pranë tuneleve panoramike të aksit Qafë Thore-Theth, rruga është bllokuar plotësisht.

Për arsye sigurie, qarkullimi do të qëndrojë i mbyllur për të gjitha automjetet, përfshirë edhe mjetet borëpastruese, pasi zona paraqet rrezik të lartë për kalim.

U bëjmë thirrje drejtuesve të mjeteve të respektojnë sinjalistikën, të shmangin këtë aks dhe të ndjekin njoftimet zyrtare për përditësime të mëtejshme