U kapën duke transportuar 5 emigrantë të paligjshëm, në pranga 2 të rinj nga Kukësi

Dy persona janë vënë në pranga nga policia e Tiranës pasi u kapën duke transportuar 5 emigrantë të paligjshëm kundrejt pagesës.

Në pranga u vunë shtetasit A. M., 24 vjeç dhe I. V., 22 vjeç, banues në Kukës.

“Këta 2 shtetas janë kapur në flagrance nga shërbimet e Policisë, në vendin e quajtur “Mbikalimi i Kasharit” duke transportuar me një automjet, 5 emigrantë, të cilëve kundrejt pagesës 2700 euro secili, iu kishin premtuar transportimin me destinacion final shtetin francez”, bëri me dije policia.

Në cilësinë e provës materiale u sekuestruan 1 automjet dhe 2 aparate celulare.

Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.