Dy policë të lënduar, marrin ndihmën mjekësore te Kuvendi! Ambulanca transporton një prej tyre në spital

Protesta e opozitës, e zhvilluar këtë të martë fillimisht para Kryeministrisë dhe më pas para Kuvendit të Shqipërisë, është shoqëruar me tensione dhe përplasje mes protestuesve dhe forcave të rendit.

Sipas informacioneve të fundit, dy efektivë policie kanë mbetur të lënduar dhe po marrin ndihmë mjekësore, pasi janë djegur gjatë incidenteve të regjistruara pranë godinës së Parlamentit.

Situata u përshkallëzua në momentin kur një pjesë e protestuesve tentuan të afrohen pranë perimetrit të sigurisë, ndërsa policia ndërhyri për të shpërndarë turmën.