Shifrat/ Shqipëria ndjek trendin e Europës, ulen ndjeshëm rasteve me fruth

Shqipëria ka regjistruar 20 raste me fruth në 2025, duke shënuar një rënie të ndjeshme krahasuar me 49 rastet e regjistruara në vitin 2024, sipas të dhënave të Organizatës Botërore të Shëndetësisë (OBSH).

Ekspertët paralajmërojnë se, edhe pse Europa dhe Azia Qendrore kanë shënuar rënie prej 75% të rasteve nga mbi 127 mijë në 2024 në rreth 34 mijë në 2025, rreziku i shpërthimeve epidemike mbetet i lartë.

UNICEF dhe OBSH raportojnë se mbi 200 mijë persona janë prekur nga fruthi në tre vitet e fundit, ndërsa disa vende raportuan më shumë raste në 2025 sesa në 2024.

Ekspertët theksojnë se ulja e rasteve lidhet me masat e kontrollit dhe reagimin ndaj shpërthimeve, por mbulimi i pamjaftueshëm me vaksinë mbetet problem. Për të parandaluar përhapjen e virusit, çdo komunitet duhet të arrijë mbulim prej 95% me dy doza vaksine.

Fruthi është një nga viruset më ngjitës, ku një person i infektuar mund të transmetojë sëmundjen deri tek 18 persona të pavaksinuar.

OBSH dhe UNICEF nënvizojnë se forcimi i vaksinimit dhe lufta kundër dezinformimit janë të domosdoshme për eliminimin e fruthit dhe mbrojtjen e shëndetit publik.