Bllokimet dhe masat e sigurisë për protestën e opozitës, 1,600 punonjës policie në terren

Gazetarja e Euronews, Sara Demushi, raportoi nga Kryeministria pak para nisjes së protestës së opozitës. Sipas saj, Drejtoria vendore e policisë nuk ka marrë përsipër organizimin e tubimit, por ligji për tubimet detyron punonjësit e policisë të jenë të pranishëm në vendin ku zhvillohen protestat për të garantuar rendin dhe sigurinë. Në terren janë angazhuar rreth 1,600 punonjës policie, ndërsa janë bllokuar zonat pranë vendit të protestës dhe Bulevardi “Dëshmorët e Kombit”.

Ministrja Albana Koçiu i ka bërë thirrje organizatorëve të distancohen nga çdo akt dhune, ndërsa policia u kërkon pjesëmarrësve të mos jenë pjesë e incidenteve të dhunshme.