Meta reagon nga qelia për protestën e PD: Plumbat e gomës nuk e ndalin uraganin e Lirisë

Ish-presidenti Ilir Meta ka reaguar nga qelia në lidhje me protestën e organizuar nga Partia Demokratike e Shqipërisë.

Përmes një postimi në rrjetet sociale, Meta thekson se qytetarët shqiptarë janë të vendosur për të përmbysur, sipas tij, “regjimin e kalbur” të kryeministrit Edi Rama.

Sipas ish-presidentit, përdorimi i plumbave të gomës, dhuna ndaj protestuesve dhe arrestimet nuk do të mund të ndalin, siç shprehet ai, “uraganin e Lirisë”.

“20 Shkurti i rrëzimit të diktaturave konfirmoi vendosmërinë e shqiptarëve për të shembur regjimin e kalbur të Edi Ramës. As plumbat e gomës, as dhuna kriminale dhe as rrëmbimet mafioze të protestuesve nuk e ndalin dot uraganin e Lirisë. Mirënjohje për guximin, qëndresën dhe vendosmërinë për t’i rikthyer Shqipërisë me çdo çmim Lirinë. FITORE!”, thotë Meta.