Vodhi një motomjet gjatë mbrëmjes së djeshme, arrestohet 26-vjeçari në Vlorë

Policia e Vlorës këtë të hënë ka arrestuar autorin e vjedhjes së një motomjeti, i cili dyshohet e se ka marrë gjatë mbrëmjes së djeshme.

Sipas njoftimit nga policia, është arrestuar shtetasi D. S., 26 vjeç, banues në Vlorë, i cili mbrëmjen e djeshme, në lagjen “10 Korriku”, vodhi një motor.

“Në vijim të punës për parandalimin dhe zbardhjen e vjedhjeve, si dhe për kapjen e autorëve, specialistët e Seksionit për Hetimin e Krimeve në Komisariatin e Policisë Vlorë bënë të mundur arrestimin në flagrancë të autorit të dyshuar për vjedhjen e një motori, gjatë natës së datës 22.02.2026, në lagjen “10 Korriku”.

Si rezultat i organizimit të mirë të shërbimeve dhe analizës në dinamikë të pamjeve filmike të kamerave të sigurisë në zonë, u bë i mundur identifikimi dhe arrestimi në flagrancë i shtetasit D. S., 26 vjeç, banues në Vlorë.  Motomjeti u gjet në banesën e tij dhe u sekuestrua në cilësinë e provës material”, thuhet në njoftimin e policisë.

Materialet procedurale iu referuan Prokurorisë për veprime të mëtejshme, për veprën penale “Vjedhja”.