Eliminimi “sensacional” i Interit, Sacchi: Zikaltrit ia vështirësuan vetes rrugën drejt suksesit

Dalja e papritur e Inter nga gara kryesore evropiane për klube, pas humbjes ndaj Bodø/Glimt, ka tronditur futbollin italian. Eliminimi i zikaltërve është cilësuar si “sensacional” nga ish-trajneri legjendar Arrigo Sacchi.

Në analizën e tij për La Gazzetta dello Sport, Sacchi shprehet i habitur nga përmbysja e parashikimeve, duke theksuar hendekun e dukshëm mes dy klubeve në aspektin e përvojës, investimeve dhe të ardhurave. Sipas tij, të gjitha kushtet ishin në favor të skuadrës milaneze, e mbështetur nga publiku i “Meazzas” dhe nga avantazhi i ndjeshëm në kampionat.

Megjithatë, tre humbje radhazi rezultuan vendimtare. “Interi ia ka bërë jetën të vështirë vetes”, thekson Sacchi, duke përjashtuar barazinë e futbollit ndërkombëtar si justifikim për një skuadër të këtij niveli.

Tashmë, vëmendja zhvendoset te gara për titullin në Serie A. Trajneri Cristian Chivu përballet me sfidën për të rikthyer ekuilibrin fizik dhe mendor të ekipit, ndërsa diferenca në renditje mbetet një avantazh i çmuar. Megjithatë, hija e eliminimit evropian rrezikon të rëndojë mbi ambiciet për Scudetton.