Drejtonte makinën nën efektin e drogës, vihet në pranga 20-vjeçari në Durrës

Policia e Durrësit kanë ndaluar një automjet në rrugën “Petrit Llaftiu”, pasi drejtuesi kryente manovra të rrezikshme dhe përdorte dhe celularin gjatë drejtimit të automjetit.

Gjatë veprimeve policore, drejtuesi i automjetit shfaqi sjellje të dyshimta dhe, pas kryerjes së testit me aparatin drogëtestues, rezultoi nën efektin e lëndëve narkotike.

Në vijim të veprimeve procedurale, u arrestua drejtuesi i automjetit, shtetasi me iniciale F. B., 20 vjeç.

Materialet procedurale iu referuan Prokurorisë së Durrësit, për veprime të mëtejshme.