Intensifikohen punimet tek “Arrat e Gurrës”, përfundon devijimi i lumit gjatë natës, gati për rrugën alternative

Gjatë mbrëmjes së djeshme, në vijim të ndërhyrjeve në zonën “Arrat e Gurrës”, ka vazhduar puna për pastrimin e sipërfaqes së trupit të rrugës së rrëshqitur për marrjen e kampionëve gjeologjikë. Ndërkohë, kanë përfunduar punimet për devijimin e lumit.

Gjithashtu, bëhet e ditur se pritet të fillojnë punimet për trupin e rrugës alternative pas përfundimit të rishikimit të projektit në këtë zonë.

Punimet po kryhen me mjete dhe personel të shtuar, duke respektuar të gjitha standardet teknike dhe të sigurisë rrugore për të rikthyer qarkullimin sa më shpejt.