Sulmet në Iran, Këshilli i Sigurisë: Do t’i japim një mësim historik SHBA-së dhe Izraelit

Irani ka kërcënuar me një hakmarrje të ashpër ushtarake dhe ka bërë thirrje për një takim urgjent të Këshillit të Sigurimit të OKB-së, pasi dënoi një operacion të përbashkët SHBA-Izrael si një “krim flagrant”.

Këshilli i Lartë i Sigurisë Kombëtare i Iranit tha se forcat e armatosura të vendit do të japin një “përgjigje shkatërruese” dhe një “mësim historik” sulmeve të SHBA-së dhe Izraelit.

“Armiku beson se kombi i fortë iranian do t’u dorëzohet kërkesave të tyre të vogla përmes veprimeve të tilla frikacake. Forcat e armatosura të Republikës Islamike të Iranit kanë filluar një përgjigje shkatërruese ndaj veprimeve të tyre dashakeqe dhe do ta mbajnë vazhdimisht të informuar publikun”, tha këshilli në një deklaratë.

Ndërkohë, Zëdhënësi i Ministrisë së Jashtme, Esmail Baghaei, i dënoi sulmet si një “krim flagrant”.

Ai i bëri thirrje Këshillit të Sigurimit të OKB-së të thërrasë një takim “të menjëhershëm” emergjent, duke thënë se Irani pret që vendet e tjera të flasin hapur.